मिति २०८१ असार २ गते साना किसान कृषि साना किसान कृषि सहकारी संस्था सलाङ ले म्यादी जीवन ऋण वीमा अन्तरक्रिया तथा बीमा क्षति भुक्तानी कार्यक्रम को आयोजना गरेको छ ।
म्यादी जीवन बीमा कार्यक्रममा आवद्ध हुनुभएको साना किसान कृषि सहकारी संस्था लि.सलाङको समुह नं.२३४, वर्ष ः ४४ को महिला सेयर सदस्य हिरा माया थापा मगर को असामयिक निधन भएको हुँदा वीमीत परिवार सदस्य , श्रीमान् थक बहादुर थापा मगर लाई बीमा दावी भुक्तानी रकम रु ५ लाख हस्तानत्रण भएको छ ।
उक्त कार्यक्रमको अध्यक्षता साना किसान कृषि सहकारी संस्था सलाङका अध्यक्ष तथा बागमती प्रदेश कृषि सहकारी संघका अध्यक्ष दिल्ली प्रसाद पाठक ज्यू ले गर्नु भएको थियो । साथै प्रमुख अतिथिमा जिल्ला कृषि संघ धादिङका अध्यक्ष रंग प्रसाद थपलिया, विशेष अतिथिमा साना किसान विकास लघुवित्त वित्तीय संस्था गजुरीका शाखा प्रबन्धक दीपक राज पाण्डे, जिल्ला कृषि सहकारी संघ धादिङका पदाधिकारी, सानीमा रिलायन्स कम्पनीका कर्पोरेट हेड अनुज थापा, नेपाल कृषि सहकारी केन्द्रीय संघका तथा जिल्ला कृषि संघ धादिङका पदाधिकारीको उपस्थितीमा सम्पन्न भएको छ ।
कार्यक्रममा धादिङ जिल्लामा सञ्चालनमा रहेको साना किसान कृषि सहकारी संस्थाहरु मध्ये करिब २५ संस्थाका अध्यक्ष, प्रबन्धक तथा सदस्य गरी १०५ जनाको उपस्थिति रहेको थियो ।
कार्यक्रममा सानीमा रिलायन्स लाईफ ईन्स्योरेन्स का कर्पोरेट हेड अनुज थापाले वीमा को विषयमा अन्तरक्रिया कार्यक्रम संचालन गर्नुभएको थियो ।
साना किसान विकास लघुवित्त वित्तीय संस्था गजुरीका शाखा प्रबन्धक दीपक राज पाण्डे ज्यू ले वीमा कार्यक्रमलाई अभियानको रुपमा लिई यथाशिघ्र धेरै भन्दा धेरै सदस्यहरुलाई म्यादी ऋण बीमामा आवद्ध गराएमा सदस्यलाई लाभ हुने तथा आईपर्ने भवीतव्य दुर्घटनाबाट कर्जा जोखिम पनि न्युनिकरणका साथै आन्तरिक श्रोत पनि बृद्धि हुने जानकारी गराउनु भएको थियो ।
अध्यक्ष दिल्ली प्रसाद पाठक ज्यूले यस बीमा कार्यक्रम लाई सम्पूर्ण संस्थाहरु आवद्ध हुन अनुरोध गर्दै सदस्यको हितमा हुने कार्यक्रममा सम्पूर्ण साना किसान कृषि सहकारी संस्था एक भएर अघि बढ्नुपर्ने जानकारी गराउनु भएको थियो ।
हाल सम्ममा गजुरी ईलाका अन्तर्गका २८ साना किसान कृषि सहकारी संस्थाबाट १६७९ जना सदस्य बीमा कार्यक्रममा आवद्ध हुनु भएको छ ।
कार्यक्रम संचालन साना किसान कृषि सहकारी संस्था सलाङका प्रबन्धक गोपाल सिलवालले गर्नु भएको थियो ।