नेपाल कृषि सहकारी केन्द्रयि संघ र राष्ट्रिय किसान सञ्जालको आयोजनामा कृषि तथा जलवायू परिवर्तनबाट उत्पन्न विपद व्यवस्थापनमा सूचना प्रविधिको प्रयोग सम्वन्धि २ दिने प्रशिक्षण कार्यक्रम सुरु भएको छ । 
ललितपुरको धोविघाटमा सुरु भएको कार्यक्रममा कृषि जन्य उत्पदनमा संलग्न सहकारीका सञ्चालक, उद्यम गरिरहेका ५० जनाभन्दा बढि किसानहरुको सहभागिता रहेको छ । 
आइफार्ड र ईयूको सहयोग, एसियन फामर्स एशोसियसनको कार्यन्वयनमा एपिएफपी तथा एफओ फोर ए अन्र्तगत आयोजना गरिएको कार्यक्रममा कृषि क्षेत्रमा सूचना प्रविधिको प्रयोग, यसको महत्व र आवश्यकताका बारेमा विभिन्न कार्यपत्रहरुमाथी छलफल चलिरहेको छ ।
कार्यक्रममा बोल्नुहुँदै राष्ट्रिय भूमी आयोगका उपाध्यक्ष नहेन्द्र खड्काले कृषि क्षेत्रलाई परम्परागत अभ्यासबाट माथी उठाउन सूचना प्रविधिको प्रयोग अपरिहार्य रहेको बताउनुभयो । उहाँले विश्विमा विकास भएको सूचना प्रविधिको प्रयोगलाई नेपाल र नेपाली किसानहरुले पनि प्रयोग गर्नुपर्ने अहिलेको आवश्यकता रहेको औंल्याउनुभयो ।

किसानहरुले उत्पादन देखी बजारीकरणसम्मको सञ्जाल विस्तार गर्दै आयआर्जन बढाउन सूचना प्रविधिले सहयोग पुग्ने उहाँले विश्वास व्यक्त गर्नुभयो ।

किसान र कृषि क्षेत्रको रुपान्तरणका लागि नेपाल सरकारले पनि सहुलियतमा सूचना प्रविधिको प्रयोगमा प्रोत्साहन गर्नुपर्ने खड्काले बताउनुभयो । यसैगरी कार्यक्रममा नेपाल कृषि सहकारी केन्द्रीय संघ लि. का अध्यक्ष खेम बहादुर पाठकले नेपालका किसान र उद्योग उत्पादनमा केन्द्रीत भएपनि सूचना प्रविधिको प्रयोगमा अब्बल हुन नसक्दा समस्या परेको बताउनुभयो । अध्यक्ष पाठकले किसानहरु उत्पादक मात्र बन्न सकेको अहिलेको अवस्थाबाट माथी उठाउन सूचना प्रविधिसंग जोड्न आफुहरु लागिपरेको बताउनुभयो ।

सूचना प्रविधिसंग किसान र कृषिलाई जोड्न सकेमात्र कृषि क्षेत्रबाट लाभ लिन सकिने बताउनुभयो । विभिन्न क्षेत्रबाट कृषि क्षेत्रमा परेको प्रभावका बारेमा कृषि प्राविधिकहरुले जानकारी दिने संयन्त्र भएपनि प्रभावकारी रुपमा संयन्त्रले काम गर्न नसक्दा समस्या भईरहेको बताउनुभयो । 

कार्यक्रममा उपस्थीत सहभागीहरुलाई स्वागत गर्दै नेपाल कृषि सहकारी केन्द्रीय संघ लि. का नायव महाप्रवन्धक मिना पोख्रेललले नेपालमा जलवायु परिवर्तनले कृषि क्षेत्रमा पारेको प्रभाव न्यूनिकरणका लागि पहल थाल्नुपर्ने आवश्यकता औंल्याउनुभयो । उहाँले जलवायु परिवर्तनले कृषि क्षेत्रमा पारेको प्रभावबारे राज्यले अनुसन्धान गरी किसानहरुलाई जतिसक्दो छिटो यसको प्रभावबाट बच्ने उपायका बारेमा प्राविधिक सहयोग गर्नुपर्नेमा जोड दिनुभयो ।