२०८१ मङ्सिर ५ गते नेपाल कृषि सहकारी केन्द्रीय संघ तालिम तथा अनुसन्धान केन्द्र टरौली, चितवनमा तीन दिने सूचना प्रविधि सम्बन्धित तालिम सम्पन्न भएको छ । उक्त तालिम मङ्सिर ३ गते बाट सुरु भएको थियो । तालिममा साना किसान कृषि सहकारी संस्था लिमिटेडका प्रबन्धक, सहायक प्रबन्धक तथा अन्य कर्मचारीहरू गरी २६ जनाको उपस्थिति रहेको थियो । तालिम मूलत अफिस प्याकेज, डिजिटल मार्केटिङ, प्रोफेसनल इमेल कम्युनिकेसन, ग्राफिक्स डिजाइनिङ , साइबर सुरक्षा, गुगल प्ल्याटफर्म आदि जस्ता विभिन्न विषयमा केन्द्रित रहेको थियो । उक्त तालिमको प्रमाण पत्र वितरण तथा समापन रत्ननगर नगरपालिका वडा नम्बर ५ का अध्यक्ष बालकृष्ण चापागाईं ज्यूले गर्नुभएको थियो । तालिममा उपस्थित प्रतिनिधिको रुपमा बोल्दै, स्वरोजगार साना किसान कृषि सहकारी संस्था लिमिटेड को प्रबन्धक गोमा लामाले सूचना प्रविधि सम्बन्धित तालिम निकै महत्वपूर्ण रहेको जानकारी गराउँदैँ संस्थाको क्षमता अभिवृद्धिमा टेवा पुग्ने कार्यक्रम समय समयमा आयोजना गर्न अनुरोध गर्दे नेपाल कृषि सहकारी केन्द्रीय संघ लि, तालिम तथा अनुसन्धान केन्द्र का सम्पूर्ण टिम लाई धन्यवाद व्यक्त गर्नुभएको थियो ।