उदयपुरका सहकारी सदस्यहरूका लागि चितवनमा उद्यमशीलता विकास तालिम सुरु
चितवन, टरौली - उद्यमशिलता विकास तथा व्यवसाय स्थापना सम्बन्धी प्रशिक्षण चितवनको ट्रेनिङ तथा अनुसन्धान केन्द्रमा नोभेम्बर २३ देखि २८, २०२५ सम्म सञ्चालन भइरहेकाे छ।
नेपाल कृषि सहकारी केन्द्रीय संघ लि. (NACCFL) र ACF द्वारा संयुक्त रूपमा आयोजना गरिएको उक्त तालिम उदयपुर जिल्लाका कृषि सहकारी तथा साना किसान कृषि सहकारी संस्थाका सदस्य, सञ्चालक, प्रबन्धक तथा कर्मचारी लक्षित गरी सुरु गरिएको हो।
तालिममा नेपाल कृषि सहकारी केन्द्रीय संघ लि. का महाप्रबन्धक डा. रुद्र बहादुर श्रेष्ठले सहजिकरण गर्नुभएको छ। उद्घाटन सत्रमा संघकै कोषाध्यक्ष गीता केसीको विशेष उपस्थिती रहेको थियो।
सहकारी क्षेत्रमा उद्यमशीलता अभिवृद्धि, व्यावसायिक दक्षता, व्यवसाय स्थापना तथा सञ्चालनका व्यावहारिक सीप प्रदान गर्ने उद्देश्यका साथ तालिम सञ्चालन गरिएको छ ।
