UN पारिवारीक खेती  दशक २०१९–२०२८ राष्ट्रिय निर्देशक समितिको बैठक कृषि तथा पशुपन्छी विकास मन्त्रालयका सचिव डा। गोविन्द प्रसाद शर्माको अध्यक्षतामा सम्पनन भएको छ । 

कृषि तथा पशुपन्छि विकास मन्त्रालको सभाकक्षमा बसेको बैठकले बढ्दो खेतीयोग्य जमिनको खण्डिकरण रोक्न र बाँझो जग्गामा खेती गर्ने परिपाटीको विकास गराउन पारिवारीक खेती कार्यक्रम मार्फत पहल गर्ने निर्णय गरेको छ । 

सन् २०१४ देखी निरन्तर पारिवारीक खेती कार्यक्रम सञ्चालन भएको नेपालमा अहिले पनि यस सम्वन्धि विभिन्न कार्यक्रमहरु भईरहेका छन् । नेपालको प्रस्तावमा संयुक्तराष्ट्रसंघले पारिवारिक खेती दशक घोषणा गरेको थियो । 

उक्त बैठकमा अर्थ मन्त्रालयका सहसचिव एवम प्रवक्ता धनिराम शर्मा, कृषि तथा पशुपन्छि विकास मन्त्रालयका सहसचिव राजेन्द्र मिश्र, कृषि विभागका महानिर्देशक डा. हरि बहादुर केसी, राष्ट्रिय निर्देशक समितिका सदस्य सचिव एवम नेपाल कृषि सहकारी केन्द्रीय संघका अध्यक्ष खेम बहादुर पाठक, विभिन्न मन्त्रालयका सहसचिव, एफएओ, आइफार्ड, यूएसएआइडि, किसान सञ्जालका प्रतिनिधि लगायत विभिन्न सरोकारवाला निकायका निर्देशक समितिमा रहेका प्रमुख एवम् प्रतिनिधिहरुको सहभागिता रहेको थियो । उक्त कार्यक्रममा राष्ट्रिय कार्यन्वयन समितिको तर्फबाट कार्यन्वयन समितिका सदस्य सचिव एवम् नेपाल कृषि सहकारी केन्द्रीय संघ लि. का महाप्रवन्धक रुद्र भट्टराईले कार्यपत्र प्रस्तुत गर्नुभएको थियो ।