नेपालका विभिन्न कृषि सहकारी संस्थाका प्रतिनिधिहरुको टोलीले थाईल्यण्डमा कृषि क्षेमा भईरहेको नवितम अभ्यास, प्रविधिको प्रयोग र उत्पादनको अवस्थाका बारेमा १ साता लामो अवलोकन भ्रमण गरेको छ।

नेपाल कृषि सहकारी केन्द्रीय संघ लि. र बागेश्वरी एग्रकल्चर टेक्नोलोजी एण्ड सोलुसन प्रा.ली. ललितपुरको संयोजनमा नेपालका विभिन्न जिल्लाका कृषि सहकारी संस्थामा आवद्ध संस्थाका सञ्चालक, कर्मचारी लगायतको कृषि अवलोकन भ्रमण भएको छ । कृषि क्षेत्रमा भएका नविनतम प्रयास, पहल र अभ्यासहरुको बारेमा बुझ्न र उक्त कुरालाई नेपालमा अनुशरण गर्न सकियोस भन्ने उदेश्यका साथ उक्त अवलोकन भ्रमण आयोजना गरिएको हो ।

भ्रमणका क्रममा नेपाली सहकारीकर्मीहरुको टोलीले विभिन्न नविनतम कृषि प्रविधि, कृषि फार्म, उत्पादन क्षेत्र तथा उद्योगहरुको अवलोकन भ्रमण गरेको छ ।

उक्त अवलोकन भ्रमणमा नेपालका विभिन्न जिल्लाका २३ जना सहकारीकर्मीहरुको सहभागीता रहेको छ ।

थाइल्याण्डको उत्पदन क्यालिटीमा नेपालमा पनि कृषिजन्य उत्पादन गर्दै थाइल्याण्डहुँदै विश्व बजारमा नेपालको उत्पादन लैजान सकिने सम्भावनाहरुको रहेकोछ । अहिले थाइल्याण्डले अमेरिका, क्यानडा लगायतका देशहरुमा आफ्नो उत्पादन पठाउँदै आएको छ ।

यसै वर्ष नेपालका ५ सय जनाभन्दा बढि किसानहरुलाई थाइल्याण्ड अवलोकन तथा सिकार्य कार्यक्रममा सहभागि गराउने बागेश्वरीका प्रमुख ज्ञान बहादुर महतोले जानकारी दिनुभयो।