धादिङको केवलपुरमा कृषि र पशुपालन व्यवसाय मार्फत जीवन रुपान्तरण गर्दै हुनुहुन्छ सरस्वती थापा पौडेल । 

पौडेलले आफ्नै पाखा पखेरामा गर्दै आएको परम्परागत खेती र पशुपालन व्यवसायलाई व्यवसायीतातर्फ अगाडि बढाउँदै अरुका लागि समेत सिक्न लायक काम गर्नुभएको छ । 
सहकारी संस्थाबाट भएको लगानीको सहि सदुपयोग गर्दै उहाँले अहिले स्वीकृत अर्गानिक कृषि फर्म करिव १५ रोपनी जग्गामा विस्तार गर्नुभएको छ ।

उहाँले खेती गर्ने जग्गाको क्षेफल अझै बढाएर २५ रोपनि बनाउने सोचका साथ काम अगाडि बढाउनुभएको छ । उहाँले अहिले वार्षिक १ लाख केजि भन्दा बढि तरकारी विक्रि गर्दै आउनुभएको छ । उहाँको फार्ममा अहिले ४९ वटा टनेल निर्माण गरि मौसमी तथा बेमौसमी तरकारी उत्पादन गर्दै आउनुभएको छ । उहाँले यसै वर्ष ३० देखी ५० वटा गाई भैंसी पालन गरी फार्म सञ्चालन गर्ने सोचका साथ कार्य अगाडि बढाउनुभएको छ । 

सदस्यहरुको जीवनस्तर उकास्न काम गर्दै आएको केवलपुर साना किसान कृषि सहकारी संस्थाले सदस्यहरुलाई व्यवायिीक बनाउन आवश्यक पर्ने पुँजी, प्रविधि, ज्ञान, सिप प्रदान गर्दै आएको छ ।